Rauthla Editorial, February 10, 2022 : Dan pangngai angin kangmei ven hapta chu Mizoram hmun hrang hrangah hman tan a ni leh ta a, hemi kar khat chhung hian in leh ram lama kangmei chhuak thei hrang hrang lakah fimkhur turin kan in zirtir leh mek a ni.



Kangmei avang hian kumtinin leh lo bakah sum tam tak chan an awm tawh thin a, tun thal hunchhung lekah pawh kan state chhungah kangmei avanga chenna in chan tam tak an awm leh tawh a ni. Kangmei chhuah chhan tam ber chu fimkhur loh vang niin a chik mite chuan an sawi thin a, mahse a chhan kan sawi tam ber chu electric kalsual a ni deuh vek thung.

Kangmei a chhuah tawh chuan thelh a harsa a, vanduaina a zual phei chuan mihring nunna hial chan theih a ni. Hei vang hian kangmei tichhuak lo tura fimkhur a tul em em a, chenna in kan chan tam ber nia kan sawi thin electric a nih chuan wiring te pawh hmanraw tha zawka kan thlak a tul tihna a ni. Sum ren vanga wire man tlawm zawk kan thlan hian a tawpah a tuartu kan ni leh thin si a, kan himna tur a ni tih hriain kan chenna in wiring na atan company tha siam ngei hman te hi kan intihhmuh a tha hle a ni.

Tin, veng chhung thuneitute pawhin kangmei chungchangah inhrilhriatna tha zawk kalpui chhoh leh a hun ta hle mai. 

Post a Comment

Powered by Blogger.