Rauthla, February 22, 2022 : Tahrik ni 16 - 19 February, 2022 chhung khan BJP MDC Pu T. Zakunga Ex-CEM leh a a team te chuan Lungpher South, Rawlbuk, Cheural, Sangau, Sentetfiang, Thaltlang, Pangkhua, Lungtian leh Vartek khua te an tlawh.



He hunah hi Pu T. Zakunga chuan Party dang sawichhia a, kan party a lawmluhna hun hmang tura lokal kan ni lova, kan hma lawka thil lo thleng tur, Lairam Thar chanchin puangzar tura lokal kan ni a ti a, Central BJP Sorkar kaltlangin kan ram chu dinhmun tha zawka ding a, thuneihna lian zawk nei turin hmalak mek a ni a, ruahmanna chu peihfel tawh niin, Central lamin min tihsak hun chiah kan nghak tawh a. Chu chanchin lawmawm chu kan mipuite hian inhriat loh kan duh lova, chumi atana lo inbuatsaih lawk turin kan rawn hriattir che u a ni a ti.

Pu T. Zakunga chuan Pu Kungtea chuan, tun dinhmunah Lai hnam hian kan duh leh mamawh te Aizawl tlangah dil ngaiin salah kan tang mek a. Chu saltanna atanga chhuak tur chuan, tuna kan kawng zawh mek hi kawng dik a ni a ti a. He kan saltanna atanga min hruaichhuak theitu chu BJP te chauh hi tun dinhmunah chuan an ni a ti bawk.

BJP MDC Pu Zakunga chuan, 2023 MLA Election ah khian BJP chuan Lawngtlai East leh West bialah Candidate a nei ngei dawn a, chumi tur atan chuan Central BJP pawh a inhuam zau hle a, tling ngei turin ke pawh kan pen zel dawn a ni a ti bawk. 

Post a Comment

Powered by Blogger.