Rauthla, February 26, 2022 : National Health Mission (NHM) Empolyees Union Mizoram (NEUM) chuan March 3, 2022 ral hma ngeia sorkara an thil phut hrang hrangte tihhlawhtlin sak turin an ngen a, an thil phut hi tihhlawhtlin a nih loh chuan an kal zel dan tur an la rel leh dawn niin an sawi.
NHM chuan thuchhuah siamin, Covid-19 in min chenchilh hnuah phei chuan chawl pawh nei mula lovin hun rei tak kan awm tawh a, mipui hriselnaa hmalatu kan nih angin nikhat pawh tha thlawh lovin kan thawk' an ii a. Sorkara an thil phut te avanga an duh aia thui an kal thui an kal a ngaih avangin pawi an tih thu an sawi a, an thil phut te chu sorkain chinfel sak vat se an duh thu an sawi.
NEUM chuan NHM Staff tan a nih dan tur ang taka Covid-18 Free Treatment for All hman an phut a, thla hnih chhung hlawh an lak loh thu an sawi a, March 1, 2022 hi an thla thum hlawh an lak lohna tur a ni leh dawn tih an sawi a, Sorkar laipuiin NHM fund a pekte ni 21 chhunga NHM account-a lut tur a nih thu chiang taka a sawi chunga Mizoramah nasa taka tihkhawtlai a ni thin chu rang taka NHM account-a thlen tir zel turin an phut tu an sawi a. NEUm chuan an harsatna tam tak chinfel a nih theihna turin sorkarah an thlen tawh tih sawiin, thla thum chhhunga report/recommendation peiha theh lut turin August 16, 2021 khan Study Team din ani tih sawiin, mahse, thla ruk liam hnuah report/recommendation pawh an peih thawkhat tawha an hriat laiin sorkarin April 30,, 2022 thleng hun a pawhsei sak nia sawi awm leh, tun thlenga suty team report sorkarin a la dawng lo chu hriatthiam har an tih thu leh a rang thei ang bera sorkara theh an phut tih an sawi bawk.
Hetih lai hian sorkar chuan National Health Mission-Mizoram thawktu te hlawh chu tunkar chhung hian dan thar angin treasury ah thehluh a, bill a luh veleh release turin NHM leh Finance department hotute ten ruahmanna an siam niin an sawi a. Sawrkar thuchhuah chuan 1st installment hi tunhnaiah dawn chauh ni mah se, Finance department leh NHM lam hotute ruahmanna in November 2021 thleng hlawh hi lo pek lawk tawh a ni a, tun dinhmunah hian NHM sum hi treasury ah tâng a awm lo niin an sawi.
Post a Comment