Aizawl, February 11, 2022 : Nimin khan Pu R. Hmingthanzuala, Director, Art & Culture Department hovin a office ah Orgainising Committee an thukhawm a. Kumina Chapchar Kut hman dan tur an rel.Kumin chapchar Kut thupui atan Zonun Zemawi - Rinawmna tih chu hman a ni ang. Chapchar Kut lawmna hi kumin March 4 a neih tura ruahman a ni.
Chapchar Kut Orgainising Committee te ruahman dan chuan kumin Chapchar Kut hawnna programme hi nikum ang bawkin Covid -19 hrileng avanga mipui punkhawm a remchan tak rih loh avangin Vanapa Hall-ah mi tlemte chauh tela hman a ni dawn a, chumi hnuah virtual programme a chhunzawm turin ruahmanna siam a ni.
Chapchar Kut hi hlim tak leh hlawk taka hman a nih theih nan Kut lawmna programme changtlung tak buatsaih bakah hian programme dang - TV Discussion leh hnam incheina a inthuam hun te, raltlan te leh public transport bakah traffic duty te tana thilpek hlan te pawh ruahman tel a ni a. Chapchar Kut souvenir changtlung tak buatsaih leh tum a ni bawk. Khawvel hmun hrang hranga Mizo awm ten Chapchar Kut lawmna programme hi an lo thlir ve theih tur leh chibai inbuk tawnna turin programme hi live-stream a kalpui turin ruahman a ni.
Post a Comment