Lawngtlai, February 26, 2022 : Lawngtlai District Football Association buatsaihin April 5, 2022 atangin CEM LADC Football Running Trophy 2022 chu khelh tan a ni dawn.
Hemi chungchanga Lawngtlai District Football Association thuchhuaha tarlan a nih danin ruahmanna hmasaah chuan Janaury 13, 2022 khan CEM LADC Football Running Trophy 2022 hi khelh tura ruahman a ni a, Covid-19 hluar zel avangin thulh lailawk niin, April 5, 2022 a khelh tan turin ruahmanna a siam leh ta a ni.
Manager Meet hi April 4, 2022, Thawhtan zanah LADC Conference Hall-ah neih a ni ang a. Match Commissioner A. Vanlaltholeha, Asst. Match Commissioner C. Lalhmachhuana te an ni ang. CEM LADC Football Running Trophy 2022 hi Lai Autonomous District Council hnuaia MDC (Constituency) Inter Constituency angin neih/khelh tur a ni ang a. MDC Constituency khat atangin Team khat zel tel tur a ni.
Player ten an khelh hunah Election Commission of India, Voters Identity Card (Voters ID) players checking laiin ken tur a ni a, Tournament-a tel tur player te chu mahni vote neihna bial (Constituency) ah chiah an khel/play thei ang.
Club/khua/veng/bial pawn lam mi players lak (reinforce) phal a ni lo. CEM LADC Football Running Trophy 2022 hi Lawngtlai District chhunga MDC Constituency te tan chauh buatsaih a ni a. SOP angin Red Zone huam chhung a mi te tan tournament-ah tel theih a ni lovang. Tournament Kick-Off hi April 5, 2022, Thawhlehni dar 2:00pm ah neih tur a ni. Entry fee a awm ang a, team pakhat tan Rs. 1,000 a ni ang.
Hetiang hi lawmman awm dan tur a ni :
LAWMMAN (PRIZE)
Champion : Trophy + Rs. 50,000
Runner Up : Rs. 30,000
Semi Finalist : Rs. 5,000 (each)
Fair Play : Rs. 5,000
Post a Comment