South Lungpher, Janaury 22, 2022 : Vawiin January 22, 2022 khan YLA South Lungpher Branch te chuan an khuaa raltlan lo thlen belh leh turte awmna tur Tourist Lodge building sak mek chu cheibawlin hnatlang an thawk. Vawiina hnatlang thawk hi an vaiin mi 80 chuang an ni a, LWA South Lungpher Branch ten hnatlang thawkte hi an tawiawm bawk a ni.



Tun dinhmunah South Lungpherah hian raltlan 100 chuang awm tawhin, rawn thlen belh tur mi 50 bawr an awm mek bawk.

Raltlan lo thleng hmasa te hi a nawlpuiin nikum September thla bawr atang khan South Lungpher khuaah hian lut tanin, heng raltlante khawsakna tur siam hna hi hnatlangin vawi engemawzat an lo thawk tawh a, a remchan dan danin khawtlang mipui ten NGO kaltlangin heng raltlan te hi an lo pui tawh a, a tul ang zela puih an la tum zel bawk. 

Post a Comment

Powered by Blogger.