Rauthla Editorial, January 25, 2022 : Lai Autonomous District Council chuan Lawngtlai khawpui chhunga thil man chungchang mumal zawk a kalpui anih theihna turin Price Control Committee a din a. He Committee hi mumal taka a function hun a nghahhlelh awm ta hle mai. Mipui atanga thil man sawiselna a awm in vung takin hma an la a, mahse hun a rei a hmalakna hi a awm chhunzawm ta lo emaw tih theih tur khawpin thil man an bithliah ang pawhin thenkhatah chuan a kal thei leh ta meuh lo. Kan sorkar hian tha thlah lovin hma la chhunzawm zel se, mipui harsatna pawh sutkian a ni chho zel dawn niin a lang.



Lawngtlai khawpui chhungah rod zuarte zingah sorkar in rate a bithliah anga hralh lo an awm leh zeuh zeuh mai. Kan sorkar hian rate dik lova hralh an awm leh awm loh hi an lo ngaihven lo anih pawhin mipui lamin sorkar kan hrilh hriat hi a ngai a. Chutiang ni lova kan inphun lungawi zel anih chuan Lawngtlai khawpui hi khawpui dang zawng aiin thil man to na khawpui kan ni zel ang tih pawh a hlauhawm tak zet a. A tawpah sorkar kan dem leh ringawt zel a. Kan sorkar hi amah chauh in a che thei lo tih hi kan hriat nawn fo pawh a tha awm e. 

Sorkar tha nei tur in mipui in mawhphurhna lian tak kan nei a. Kan khawpui chhunga thil man to chungchangah pawh thil leitu te hian receipt/cash memo te lak hi ching ila, a rate lo anga an hralh anih chuan Price Control Committee hnenah emaw District Consumer Forum ah thlen thin ila, chu chuan thil man to uchuak lutuk a hralh te man chhuah an ni ang a, kan khawpui a thil man to tak tak a hralh thin pawh a ziaawm chho hle tawh ang. Hemi kawngah hian sorkar leh mipui kan tanrual a hun tawh tak zet a ni.

Post a Comment

Powered by Blogger.