Lawngtlai, January 25, 2022 : Vawiin, January 25, 2022 khan LADC sorkara Social Welfare Deparment changtu EM Pu JB Vanhoy chuan Lairam Motherless Home (LMH) tlawhin, Rs. 56000 (Singnga sangruk) a hlan.
Pu JB. Vanhoy, EM chuan Covid-19 hripui leng avangin mitin ten hun harsa tak kan tawk mek a ni tih sawiin; Pu V. Zirsanga, CEM kaihhruai LADC sorkar chu mi harsa leh tanpui ngaite tanpuiin a luang chhuak mek zel a; Lairam Motherless Home pawhin, hnuchhamte an enkawlnaah harsatna tam tak an tawk a ni tih hriain, LADC Sorkar chuan he tanpuina hi a hlan a ni tih a sawi bawk.
Lairam Motherless Home-a thawktute chuan Pu JB.Vanhoy leh a zuitute chu lawm taka lo dawngsawngin; Hripui leng avanga harsatna hrang hrang an tawh mek laia LADC Sorkarin duhsak taka tanpuina a hlan chu lawmawm an tih thu an sawi bawk.
Pu JB.Vanhoy, EM hi Pu J. Sangthangpuia DCSWO, Pu HC. Vanlalruatpuia I&PRO, LADC leh Staff ten an tawiawm a ni.
Post a Comment