Rauthla, January 25, 2022 : Nimin khan Covid-19 darh zel tur venna atana Mizoram sawrkarin a duan Covid-19 No Tolerance Week chu Mizoram pumah kalpui tan a ni a, hmun hrang hrangah mipuiten inkaihhruaina tha takin an zawm nia hriat a ni.
Nimin khan Lawngtlaiah dan bawhchhia mi pakhat man a ni a, Rs. 100 chawi tir a ni.
State Disaster Management Authority hnuaia State Executive Committee Chariman Dr Renu Sharma Chief Secretary chuan January ni 21 zirtawp zan khan Mizoram puma hnam tur Covid-19 laka nun dang phung inkaihhruaina khauh taka kenkawh hapta “Covid-19 No Tolerance Week a puang a, he hapta hian January ni 31 zanlai dar 12 thleng a awh dawn a ni.
Dr Renu Sharma chuan Covid-19 darh zel tur venna tan leh inkaidarh a ziaawm theih nan inkaihhruaina te khauh taka ken kawh tula hriat anih thu a tarlang a, January ni 7-a sawrkarin inkaihhruaina alo chhuah tawh chu khauh taka kenkawh tur ani a ti.
Covid-19 No Tolerance Week chhung hian District Disaster Management Authority (DDMA) ten an district ah inkaihhruaina khauh takin an keng kawh dawn a, LLTF leh VLTF te pawhin an khua leh vengah te an kengkawh anga, Police te pawhin duty hmun hrang hrangah indahin Covid-19 inkaihhruaina zawm anih theih nan khauh takin an duty dawn a ni.
Post a Comment