Rauthla Editorial, January 26, 2022 : Mizoram hmar lamah a ni telin Covid-19 vei hmuhchhuah zel a ni a, ram hruaitu pawh a ni zuah lova, he hri leng hluar leh mek hi Lawngtlai khua pawh hian hmachhawn leh reng thei kan ni.
Mihringte hian zalen kan duh a, zalen taka sum lakluh leh hna thawh pawh kan duh. Hei vang hian sorkar in Covid-19 chungchanga inkaihhruaina a siamte hi kan hlamchhiah ngawt tur a ni chuang. Dan hnuaiah zalen taka khawsak kan thiam zawk tur a ni.
Hri darh hluai tur ven nan sorkarin hmaituamna vuah uar leh zual turin inkaihhruaina a duang a. hei hi mipui ten kan zawm that a pawimawh hle. Sakhaw biakna, office, dawr leh khawlaiah hmaituamna vuah lo kan thahnem leh ta hle mai. Lockdown hunlaia hrehawm kan tih zia kha ngaihtuah let ila, khatiang hun kha kan hmachhawn tawh loh nan tun hunah hian theihtawpa kan fimkhur a, sorkar dan siamte kan zawm that a ngai hle a ni.
Veng thenkhatah VLTF mumal takin function chiah tawh lo mahse, veng chhunga thuneitu ten mipui hnenah hmaituamna vuah uar leh zual tura tlangauna hmanga inhrilhhriat thin hi a tha hle a, hei hian nasa takin kawngro a su dawn hle a ni.
Post a Comment