Rauthla, December 09, 2021 : Pu V. Zirsanga, CEM, LADC chuan nimin khan Mizoram sorkara Minister thenkhat hmuin Lawngtlai District tana hmasawnna tur hrang hrangte a sawipui.
Pu V. Zirsanga, CEM chuan Dr. K. Beichhua Minister (i/c Social Welfare etc) hmuin inkawmna hun tha tak an nei a, Special Central Assistance for Tribal Development an thawhnaah, Lawngtlai District-a khaw engemawzat thun ve an nih thu te, central lam pawhin an lo ngai pawimawh hle a, tihhlawhtlin ngei tum nih thu leh, a rang thei ang bera tihhlawhtlin anih theih nan, bawhzui mek a nih thu a lo hrilh a ni. LADC Secretariat pawh NEC hnuaiah Concept Paper pawh buatsaih niin, a tul anga bawhzuia, hma lak mek zel a nih thu sawi lan a ni bawk.
Chief Executive Member chuan nimin vek khan Sports Minister Pu Robert Romawia Royte,hmuin, Sports chungchanga hmalakna hrang hrangte an sawi dun a. Mampuia Sports Centre sak tur, lungphum pawh January 2022 thla chhung ngei a phum hman an tum thu Sport Minister sawiin, LADC hmasawnna tur chi hrangte an sawi dun bawk.
Pu V. Zirsanga, CEM, LADC chuan Minister-te leh Official-te hnenah,LADC leh Lawngtlai District hmasawnna tur thil hrang hrangte a thlen mek zel a, Minister te leh Official-te nen inpawh tak leh tha taka engkim an sawi dun thei leh an dawnsawn danah beiseina sang tak neiin,a lungawithlak tak zet tih a sawi.. CEM hi Pu Lalthanmawia Colney MDC in a tawiawm a ni.
Post a Comment