Lawngtlai, December 14, 2021 : Nimin khan MNF Dist. Hqrs., Lawngtlai party chhung inkhawmna hun, party office bazar ah neih a ni a, he hunah hian Pu V. Zirsanga, CEM LADC chuan SEDP leh BADP te chu kum tharah party bil awm lovin sem a ni dawn a ti.
CEM Pu V. Zirsanga chuan sorkar hpotute dawra a zin chu engkimah lawmna tur hlir a nih thu leh LADC tan a, thil tul leh mamawh a thlente Aizawl lama an hotuten tha tak an lo dawnsawn thute leh tihhlawhtlin ngei an tum thu te a sawi a. CEM chuan District Council-in sum lama harsatna an tawh/neih thu a thlen pawh a hawhtlinna kan hmu thuai dawn a ni a ti a. Tin, school state sorkar a an hlante pawh LADC-ah hlan let leh ngei an nih dawn thu te, SEPD & BADP te pawh kum thar 2022 ah chuan Dist Hqrs., leh Council sorkar in MNF Party Flagship programme anihna angin Party bil awm lova, Lairam mipui ten hmasawn nana kan hman theih nan sem anih ngei tur thu te leh Lairam hmasawn nan a, LADC in project a siam hrang hrangte pawh kum thar lam ah chuan a hlawhtlinna kan hmuh ngei a beisei thu te a sawi lang bawk a ni.
Pu Lalramliana Colney, MNF Dist Hqrs., President chuan Aizawl lama an hotute, CM leh a thawhpui ten Lawngtlai District an ngaihtuahzia leh an hmangaihthu te, a theihna chinchinah hma lak an tum thute sawiin, Chief Minister Pu Zoramthanga kaihhruai sorkarah Mizoram mipui ten beiseina an neih san thu a sawi bawk.
Pu Lalramliana Colney chuan, nimin party chhung inkhawmna neihah hian MNF Party zawm thar Chikhurlui atangin Voter 30 te chu MNF Party-ah a lawmlut nghal bawk.
Post a Comment