Lawngtlai, December 16, 2021 : Nimin khan Lawngtlai Bawrhsap, District Disaster Management Authority (DDMA) Chairman Dr Andrew H. Vanlaldika chuan Lawngtlaia kohhran hrang hrang hruaitute nen Lawngtlai DC Conference Hall-ah thut khawm kovin, COVID-19 hri leng chungchanga Lawngtlai District dinhmun leh Krismas, 2021 leh Kumthar, 2022 vuakveta hri leng laka him nana fimkhurna tur hrang hrang a sawipui.
Bawrhsap hova Kohhran hrang hrang hruaitute thukhawmin a lo rel ang leh State Disaster Management Authority in Covid-19 Hrileng laka inkaihhruaina (SOP) a tihchhuah zulzuiin kan hma lawka Christmas-2021 leh Kumthar 2022 hunpui lo thleng turah Lawngtlai District chhunga Kohhran hrang hrangte zawm turin District Disaster Management Authority chuan nimin khan ngenna a tichhuak a. Covid-19 darh zel tur lakah Kohhran hote kan lo him tlan zel theih nan hunpui laiin ruai siam loh hram nise tiin ngenna siam a ni bakah Curfew hun chhung (Zan Dar-9 atanga zing Dar-4) pel lovin Inkhawm/Zaikhawm phal a ni a, amaherawhchu, Zaikhawm hi Biakin emaw Kohhran Hall-ah chauh neih tur a ni. Mimal In ah Zaikhawm loh hram nise an ti a ni.
Post a Comment