Lawngtlai, November 03, 2021 : TT. Beikhaizi, District Project Officer, UD&PA, Lawngtlai District chuan UD&PA Mizoram thuchhuak angin nimin khan thuchhuah siamin, Lawngtlai khawpui chhungah Plastic kaihhnawih chi reng reng heng - Polythene plastic bag, mineral water bottle leh a dangte chu thuleh awm hma atan hman a khap.
UD&PA Lawngtlai District chuan Lawngtlai khawpuia cheng mihring ten plastic kan la hmang nasa hle tih an sawi a, dawr hrang hrang, chawhmeh zuar leh kawngsira thil zuar thlengin hman an nasa an ti. Plastic chu Lawngtlai mipui ten bawlhhlawh kan siam chhuah nasat ber a nih thu leh hei hian kan ram leilung tan pawh a hlauhawm thu an sawi a. Plastic bawlhlawh hian kan hriselna a tihchhiat theih avangin UD&PA LAwngtlai District chuan Lawngtlai mipuite chu plastic kaihhnawih hmang tlem turin an chah a, a bikin Single Use Plastics (Plastic pan, vawi khat hman ang chi) phei chu hmang tawh lo turin mipui an ngen a ni.
Post a Comment