Rauthla, November 23, 2021 : Nimin zing dar 9:35 vel khan Aiduzawl atanga Rabunga mitthi vui tura kalte chuanna Pik-Up motor chu Zawngtah kawn bulah a chesuala, he lirtheia chuang mi 6 an thi a, mi 11 in hliam an tuar bawk.
Mitthi leh hliamtuarte hi Rabungah lak nghal an ni a, hliamtuar zinga mi pariatte chu Aizawlah refer an ni a, dinhmun ngaihtuahawm an awm nual ni a thudawna ni. Aiduzawl khua hi in 75 vel an ni a, vawiin chawhnu khan chetsualna hmunah Khawzawl DC Pu C. Lalchhuangkima leh official dangte an kal nghala. Nunna chante ralna cheng 3000 theuh leh hliamtuarte tanpuina cheng1000 theuh an hlanbaka hmitthite hi Mizo danin an ruang an tuam bawk a ni.
He lirthei chesuala thite hi- F. Laldinga (56), Lalsawta (54), Zahliri (47), Lalruatkimi (40) Zonunsangi (45), leh damdawiin thlen hnua thi Lalbuatsaihi te an ni.
Post a Comment