Naupang kumtlinglo pawngsualtua puh Manipur-a tlanbo chu Lawngtlai hruai thlen a ni

Lawngtlai, November 03, 2021 : Tunhnaia Lawngtlai District Bualpui ‘Ng’ khuaa hmeichhe naupang kumtlinglo pawngsualtua puh, a awmna chin hriat loha tlanbo ta Lalremthang Sonate, Shalom English Academy School, Bualpui 'NG' Principal chu Churachandpur- Police Station-ah kar kalta khan a inpe.

Lalremthang Sonate hruai tur hian Lawngtlai Police te chu inrinni khan Churachandpur hi an pan a, vawiin, November 3, 2021 tlai dar 3:30pm vel khan Lawngtlai rawn thlenpui a ni. Lalremthang Sonate hi Siaha District Jail-a dah tur a ni a, naktuk lamah Siaha pan pui tur a nih thu Lawngtlai Police te chuan an sawi.

Lalremthang Sonate hian Lawngtlai District, Sangau Solice Station ah case no. 5/2021 u/s 6 POCSO Act a nei mek a, Bualpui ‘NG’ a pawi a khawih hnu hian chin hriat lohin a bi bo a. Mizoram Police te ngenna angin Manipur Police te hian an zawng a, Churachandpur Police Station-ah a inpe ta a ni.