Bualpui NG, October 25, 2021 : Nimin khan Young Lai Association, Bualpui (Ng) Sub-Hqrs. chuan an Sub-Hqrs chhung, South Lungpher khuaa Post Graduate Zirlai tiṭha pahnih nula Lalmuanpuii, ICFAI, University Aizawl aṭanga M.A, (History) Gold Medalist leh Nula Lalramnghaksangi, MZU, Aizawl aṭanga M.A, (Urban & Rural Development) a Distinction a hlawhtlinna changte hnenah Chawimawina leh Lawmpuina Thuziak bakah Tangka Fai ₹.3000/- ve ve an hlan.
Zirlai tiṭha hlawhtlinna hun hmannaah hian Pu K. Hrangvela President, YLA, Bualpui (Ng) Sub-Hqrs. chuan fuihna thu sawiin, Zirlai hlawhtlinna chang ta te an kal zelna turah Pathian ṭihna, nu leh pa thu awihna nen taima leh ṭhahnemngai taka zir chhunzawm zel turin a chah a, tin, nu leh pa te pawhin an fate an zirna kawngah theihtawp chhuah pui a, Lairam, Hnam leh an pian leh seilenna khua tana mi ṭangkai tak ni tura ṭhahnemngaih pui turin a chah bawk a ni.
Chawimawina leh Lawmpuina Thuziak leh Tangka Fai hi Pu K. Hrangvela, President, YLA, Bualpui (Ng) Sub-Hqrs. leh Pu. K. Lalremruata Treasurer, YLA, Bualpui (Ng) Sub-Hqrs. ten an hlan a ni.
Post a Comment