Kamalanagar, September 04, 2021 : Nimin khan Chakma Autonomous District Council (CADC) a Chief Executive Member nilai, Durjya Dhan Chakma, chuan CEM atanga a banna Mizoram Larsap hnenah a thehlut.
Durjya Dhan Chakma, hian CEM atanga a banna hi Chakma Autonomous District Council Chairman kaltlangin Mizoram Larsap hnen ah a thehlut a, Chief Executive Member atanga bang ta, Durjya Dhan Chakma chuan CEM atanga ban chu Chakma Autonomous District Council tan leh MNF party tan tha a a hriat vanga banna thehlut a nih thu a sawi.
Durjya Chan Chakma hi Kamalanagar North atanga MDC atan thlantlin niin, kumin April 6, khan Chief Executive Member atan Lawngtlai Addl.DC Pi Marilyn Rualzakhumthangi chuan rinawmna thu tiamtirin a lalut a, tunhnaiah CEM lakah hian mipat hmeichhiatna lam hawi chungchangah Chawngte Police Station ah FIR thehluh a lo ni tawh a, hei vang hian CADC MDC 10 te chuan CEM atanga bang tura an nawr lai niin, amah Durjya Dhan Chakma hian a laka FIR thehluh chu intihmualpho tumna leh inpharrukna a nih thu a lo sawi tawh a ni.
Post a Comment