Sangau, October 17, 2021 : Vawiin October 17, 2021 khan Auto Rickshaw Association, Sangau te chuan Myanmar aṭanga raltlante tanpui nan ₹.8,000, buhfai bag 2, chi pack 5 leh tel pack 5 an hlan.
Auto Rickshaw Association, Sangau te hian October 11, 2021 khan Sangau khaw chhungah Charity Service an nei a, hei hi raltlante ṭanpui nana an tih a ni. Heta an sum hmuhte hi vawiin khan Pangkhua, Sangau I, Sangau III, leh Sangau IV a awm raltlante ṭanpui nan an pe a. An sum hmuh ₹.8,000 hi raltlante zinga dinhmun harsa zual mi 4 hnenah ₹.2,000 ṭheuhin an pe a, buhfai, chi leh tel te hi Refugee Camp a awmte an pe bawk.
Auto Rickshaw Association, Sangau ah hian member 20 an awm mek a, kumin chhung atan Sangau khaw chhunga raltlan awm te tan Auto chuan man a zahvein an tihhniam sak mek a ni.
Post a Comment