Lawngtlai 16.Sept,2021 :YLA Pangkhua Branch te chuan Myanmar buai avanga sahimna zawnga Mizorama lo lutte tan ei tur an lo pe ṭhin.
Pangkhuaah hian Myanmar aṭanga raltlan mi ṭhahnem tak an lut tawh a, heng raltlante hi Lawngtlai District leh hmun dang danga kaldarh turte an ni tlangpui a, kalkawnga rilṭam lutuk an awm loh nan Pangkhua YLA te hian ei tur an lo buatsaih sak tawh ṭhin a. Vawiin September 15, 2021 pawh khan raltlante tana ei tur an lo pekna tur Bukte siamin YLA member ten hnatlangin thawk a ni.
Pangkhua kaltlang hmundanga kal darh te hi hriat theih chinah mi 100 chuang an ni. Tin, Pangkhuaah hian tun dinhmunah raltlan mi 120 chuang an awm mek bawk a ni.
Myanmar aṭanga raltlan lo lut leh turte hi Ralvenchhuah (Saisihchhuah) ah Pu Hmunsanga leh Pu Bawicunga, Pangkhua ten an lawngin a thlawnin an thiar ṭhin dawn a. Raltlan zingah sumdawng an chuan chuan man an chawi ang a, sumdawng ni lo, raltlan hrim hrim chu a thlawn veka phurh kai an ni ang.
Post a Comment