Lawngtlai 02.Sept,2021 : Uttar Pradesh khawthlang lamah chuan tun laiin Covid-19 lamah chuan an ziaawm nain natna chi dang a leng a, Firozabad chu tawrh nasatna a ni a, mi 50 dawnin an thih phah tawh.
Hri chu Agra, Mathura, Mainpuri, Etawah leh Kasganj -ahte pawh a leng bawk. Hri chu khawsik sang tak, thisen chi khat (blood platelet) tlahniam, mi thenkhatah chuan sahalna (dehydration) te pawh a tel a, mi 70 an boral tawh a, a tam ber chu naupang an ni.
Uttar Pradesh Chief Minister Yogi Adityanath chuan natna chhui turin special team a ruat a, natna an chhui ang a, a darhzau zel loh nana hma lakna tur rawtna an siam ang. Chief Minister chuan special team chu Rizozabad thulhchilh turin a, tanpuina hna (relief measure) thawk turin a ti bawk.
Report thenkhatah chuan rannung seh atanga natna niin an sawi. Delhi High Court chuan nimin khan Delhi-a United Nations High Commission for Refugees (UNHCR) office kawta Afghan mi (nationals) lungawi lohna lantira pungkhawm chu ngaihmawhawm a tih thu a sawi a, Covid-19 Appropriate Behaviour an zawm si lo va, Covid-19 thehdarhtu (super spreader) an ni thei ang a ti.
High Court chuan lungawi lohna lantir chu inhnaih te teah an dingin an thu hlawm a, mask an vuah bawk si lo va, hetiang chuan tih zel chi a ni lo ang tiin thuneituten action la thuai rawh se a ti. Justice Rekha Palli chuan sawrkar laipui leh Delhi sawrkar leh Police te chu inrawnkhawm a, engtinnge chutianga punkhawm chu hrik kai darhtu a nih loh theih dan tur zawng turin a ti.
High Court chuan Ministry of Home Affairs and External Affairs, Delhi government, Delhi Police, South Delhi Municipal Corporation leh Delhi Jal Board hnenah notice a pe a ni. Vasant Vihar Welfare Association chuan Delhi High Court-ah chuan ram dang mi, raltlan humhimna zawngte chu South Delhi Visant Vihar chhung UNHCR office kawtah leh a bul hnai kawtthler leh park-ah te August ni 15 atangin an pungkhawm thin a, a bul vela mite tan an hlauhawm a ni tiin High Court-ah chuan a thlen a ni.
Delhi High Court chuan hetianga punkhawm avangin mipui nawlpuiin an tuar a ni a ti a, Delhi sawrkar chu Supreme Court thu chhuak, lungawi lohna lantir theihnaah dan leh thupek kenkawhna leh fundamental rights ngaihtuah chunga inkaihhruaina siam te zawm a nih leh nih loh dante court hnena hriattir turin a ti bawk
Post a Comment