Sangau, September 29, 2021 :  Vawiin September 29, 2021 khan Central YLA leh YLA Sub-Hqrs. Sangau-te ruahmannain Sangau leh Pangkhua inkarah raltlante hmuahna hun hman a ni.



Vawiina raltlante hmuahna hun tawi buatsaihah hian raltlan awmsate an tel a, he hun hi Pu V. Lalduhthiama, President, YLA Sub-Hqrs. Sangau-in a kaihruai. 


He hun hmanpuitu Pu V. Zirsanga, CEM, LADC chuan, raltlante chu unau kan nih angin inthlahrung lova awm tur leh inlakhranna thinlung pu lo turin a chah a, 'unau kan nih angin ramri nei kan nihna hian min ṭhen hrang tur a ni lo' a ti. Tuichhak tlangdunga raltlante tanpui tura lo kal MZP President Pu Vanlaltana chuan, raltlante nena kan inunauna chu nghet taka a awm a, hma a sawn zel theih nan tan lak a pawimawh thu a sawi a. Raltlante chu beidawng lo turin a chah bawk a ni. MZP hian raltlante tan chhawmdawlna bungbel, mutbu leh thildang thahnem tak chu CEM, LADC kutah an hlan a, CEM hian heng chhawmdawlnate hi CYLA kutah a hlan nghal.


He hunah hian CEM, LADC tawiawmtu EM pathum; Pu L. Daniala, Pu JB Vanhoy leh Pu BN. Thangpuia te pawhin thu an sawi bawk a ni.

Post a Comment

Powered by Blogger.