Lawngtlai, August 10, 2021 : Pu K. Hrekung, EM i/c Sports & Youth Services leh Art & Culture, LADC leh Pu Robert Romawia Royte, Sports & Youth Services leh Tourism Minister te chu Pu nimin khan Robert Romawia Royte Office-ah an inkawm.
Pu K. Hrekung hian Minister hnenah hian Lairam tana thil pawimawh tak tak a thlen a, heng a thil thlente hi Minister chuan Covid-19 hri leng a ziaawm hunah tihhlawhtlin sak a tum a ni.
Pu K. Hrekung hian Minister a nih hmaa a lo tuipui leh a lo buatsaih NECS LAI CUP Football Tournament chu a hmasa aia ropui leh changtlung zawkin ama sponsor-na hnuaiah buatsaih leh turin a ngen a, hei hi tihhlawhtlin a ni dawn a, LADC SYS Department leh Central YLA in hemi tournament a kal pui mek chhunzawm zel nan cheng 2 Minister hian a pe dawn bawk a ni. Pu Robert Romawia Royte hian Laifa infiammite hman tangtai theih tur Infiamna hmanrua (Sport Goods) chi hrang hrang ngaihtuah sak a tiam a, LADC Art and Culture Department leh Mizoram Tourism Department tang kawpin Chhawkhlei Kut a buatsaih leh dawn a, senso chu Mizoram Tourism Department in a tum dawn bawk tih Pu K. Hrekung hi a hrilh a ni. Tin, Minister hian Pu K. Hrekung hi a bial chhunga sem tur Computer set engemaw zat a ruahman sak bawk.
Pu K. Hrekung hi Pu H. Lalmuansanga, MDC Adviser to CEM nen Meeting turin Aizawlah an kal a, naktuk ah an lo let leh ang.
Post a Comment