Lawngtlai 18.August,2021 : India javelin thrower, golden-man Neeraj Chopra chuan nimin khan amah lawmna (ceremony) Panipata buatsaih chu khawsik sang avangin hun laklawhah a chhuahsan. Kum 23 mi Tokyo-a India tana gold medal hawntu chu tun Pathiannia Independence Day lawmnaah pawh khan khawsik a lo nei tan tawh a ni. Mahse, a hma lama Covid-19 test-ah chuan a negative. Nimina Panipat-a ceremony-ah chuan stage atangin khawsik sang avangin a chhuk a, programme pawh tihtawi (cut short) a ni ta a ni
Neeraj thiante leh a chhungte pawhin a nuam lo a ni tih an connfirm a, Delhi atanga Panipat-a car rally darkar ruk chhung pawh nuam lo chungin Neeraj chu a tel a ni an ti a. Khua a lum si a, damdawia inenkawl mek Neeraj tan chuan a hautak lu deuh niin an sawi a, a hmun sawi loha a chawl dahdam rih dawn a ni.
Olympics atanga India a thlen leh hnuah Neeraj Chopra chi tam takte ngaihven leh mite hiptu (centre of attraction) a ni a, ram chhung hmun hrang hrangah amah lawmpuina thil tih apui a tam a, chungahte chuan a tel zel a ngai si a ni. Tunah hian a hometown-ah amah chawimawina turin an inbuatsaih mek a ni.
Neeraj nu Saroj Devi chuan Neeraj chu ama hometown-ah chuan ropui taka lawmna neih a nih dawn thu a sawi a. “A gold medal chu temple-ah kan dah ang a, pathian malsawmna avanga hetiang dinhmun thleng a ni a, amah chawimawina ni chu ka nghakhlel hle a ni” a ti.
Neeraj lawmna atan chuan mi 25,000 atanga 30,000 tan chaw ei tur buatsaih a ni a, chutiang atan chuan mi 150 vel an phet char char a ngai a. A awmna khawpui chu gold medal a lak an hriat atang khan kut boruak (festive mood)-in an awm reng a ni an ti.
Neeraj chuan tweet-ah ‘Independence Day lawmna Red Fort hmingthang tak maia a tel chu a tan chawimawina a ni’ a ti a. Infiammi leh sipai a nih angin a rilru chu lawmna leh phurnain a khat a, India hnam puanzar zarsan a nih chuan a rilru a tihlim em em a ni a ti.
Neeraj Chopra chuan Tokyo Olympics-ah javelin throw-ah 87.58metre khawhin, India mite zinga Olympics-a mimal gold medal la pahnihna a ni a, a hmain Abhinav Bindra chuan shooting-ah gold medal a lo la tawh a ni.
Post a Comment