Sorkarin Covid-19 hrileng avanga kan inkhuahkhirhna chu fimkhur tak chung sia thlahdul a ni dawn ta a, hri kan punna lam en chuan a la hun lo deuh niin a lang a. Amaherawhchu, mipui lam atanga sorkarna nawrna a nat tawh em avangin lohtheihlohin sorkar chuan inkhuahkhirhna a thlahdul ata a ni.
Lunglei lamah chuan nitin eichawp dawr inhawn phal a nih dawn bakah Bazar ah pawh a ni bik ruatin dawr hawn theih a ni dawn a, lirheite chu a chhawka tlantir an ni tawh dawn a. Kan District hi engtianginnge kan kal dawn la rel loh a nih avangin a la chiang lova, District dang kal dan ang thova kan kal rin a ni.
Hetiang a nih lai mek hian Lawngtlaiah pawh nitin hri kai hmuh tur an la awm a, Home Quarantine laite pawh kan la tam em em a ni. Sorkarin mipuite hma ngaia inkhuahkhirhna a thlahdul avang hian kan zalen ta tihna a ni lova, a hm aia fimkhur zual sauh zawk a ngai a ni.
Lawngtlai hian inthlahdul kan zawh loh zia chu a hmaa kan inthlahdul zawk atang khan a chiang em em a, khata tang khan hri kai pawh kan pung sawt a tih theih a ni. Chuvang chuan, mitinte kan fimkhur a, sorkar thu leh VLTF te thu kan zawm a, inkaihhruaina tha taka kan zawm hi a tul zual sauh dawn a ni.
ZMC ah damlo indah theih bak indah a ni tawh a, District angin damlo na zual enkawlna tha kan nei bawk si lova, ZMC panna lamah harsatna kan tawk zel bawk si. A chhe ber thleng lo tur hian mipuite hian mawhphurhna kan nei a, chu chu sorkar thu zawm a, fimkhur kan vawn nung reng hi a ni.
Post a Comment