Rauthla, August 13, 2021 : Mizoram leh Assam ramri hmun hrang hrang tlawh a zin chhuak Land Resources, Soil & Water Conservation Minister Pu R. Lalzirliana chuan nimin khan Kolasib Vengthar a India Hockey player Lalremsiami tana In hmun pek tura an ruahman LRSWS Kolasib District Officer (DO) Quarter thlanga Rest House awmna hmun chu a tlawh a, Kolasib Bialtu, Minister leh DC in Lalremsiami tana In hmun pek tura ruahman tawh chu pek ngei tha a tih thu sawiin, kumina India Independence Day lawmna ah Chief Minister Pu Zoramthanga'n a thusawi hunah Lalremsiami hnena In hmun pek tura tih chu puang hman se a duh thu a sawi.
India Hockey player Lalremsiami hnena Mizoram sorkarin In hmun a pek tur hi sq.m 691.85 a zau niin, ram chhungah hian Soil Department Rest House a awm a, Rest House ah hian Electric leh PHE Tui connection a awm nghal bawk.
Power & Electricity Minister Pu R Lalzirliana hian nimin khan Chuhvel khua a tlawh a. Chuhvel khaw mipuite'n tha taka Sorkar an thawhpuina-ah lawmthu sawiin sipaite tha tichaktu ni zel turin a chah a. Police duty te pawh thuawih tak leh chhel taka ram venhimna kawnga tang fan fan turin a chah bawk.
P&E Minister hian Chuhvel khua mai bakah ram buaina hmun Pu John Halliday-a thlam thlenga Electric eng lut turin Mamit P&E Department te'n electric ban leh transformer an rawn bun thuai dawn thu a sawi bawk.
Pu Lalrintluanga Sailo, Dy.Govt. Chief Whip pawhin thu sawiin P&E Minister hmalakna chak tak avanga kan ram buaina hmun hrang hrangah Electric eng a luh theih nana hrui thlun zung zung a ni chu lawmawm a tih thu a sawi a. Sorkar chu ram humhalh turin a ding nghet tlat dawn a, tlawmngaihna nei apiang mi huaisen an ni zel a ti.
Post a Comment