PRESS RELEASE
Dated Tlabung; the 24th July, 2021
Tlabung Progressive Society te Tuichawng lêi thawm á¹hat hna enin July ni 6, 2021 khan a hmunah an kal a, hna thawh mek a nih avangin a hmunah July ni 21, 2021 khan en leh a ni a, ni 15 chhung hian hna thawhah hmasawnna hmuh tur a awm lo:
1. He lei pawimawh hi NHIDCL sum, ₹ nuai 71 hmanga thawm á¹hat tura tih a ni a, hna hi thla ruk (May - October, 2021) chhunga zawh tura tih a ni.
2. NHIDCL hnenah lei thawm á¹hat hna thawktu contractor ten zaa sawmruk (60%) thawk tawh angin report an pe a, hei hi hna thawktu ten hmanraw hlui awmsa an hman an chhiar tel vang a nih a rinawm.
3. Sorkar thuchhuak angin lei hi thawm á¹hat a nih hnuah lirthei bungraw phur ton sawmpahnih (12 tons) dawl tura tih a ni.
4. Hna kalpui a nih mek lai hian ton ruk (6 tons) aia ritin lei hi zawh phal a ni lo.
5. Tun thlenga hna an thawh chin enin lei hi ton sawmpahnih (12 tons) phur thei tur khawpa rintlaka siam a nih a beiseiawm loh.
6. Lei thawm á¹hatna tura thing phah, a vang lam phah hrim hrim hi thing hlui deuh vek an hmang.
7. A dungzuia thing an phah zawh chin hi metre sawmthum (30 mts.) vel a ni a, an thing hman a á¹ha lo tih a hriata a rualrem lo.
8. An phah chin hi two - wheeler tan zawh a harsa hle. Rualrem taka phah a nih loh bakah a kar a zau hle.
9. Thing an phah thar chin, a dungzuia an phah chinah an thing hman a rinawm lo a, leia phah chi thing chang á¹ha hman a ni lo.
10. An thing engmawzat chu thingtuai (ui pum rual tiat vel) zai phel hlawk a ni a, hun rei tak lirthei bungraw phur dawl thei tura beisei a ni lo.
11. Lei hi a thar siam tura ruahmanna a awm a nih paw'n hman theih hun tur a la rei tura ngaih a ni a, hetih hun chhung atana lei rintlak neih a á¹ul takzet a ni.
Tlabung Progressive Society chuan Tuichawng lei thawm á¹hat hna kalpui mek hi a hmuna enfiah turin NHIDCL hotute a ngen a, contractor-te pawh, lei hi mipui châk lakna pawimawh a ni tih hriaa an hna rintlaka thawk turin a ngen bawk.
Tin, mipui, lei kaltlang á¹hinten lei thawm á¹hat hna kalpui a nih dan a hmuna an hmuh te a á¹ul anga Tlabung Progressive Society te hriattir á¹hin turin a ngen bawk. Hri avanga mipui leh lirthei veivak an tlem lai remchanga lain, hna rintlak leh chak zawka huntiam chhunga thawm á¹ha zo turin Tlabung Progressive Scociety chuan hna thawktute a ngen a ni.
ISSUED BY TLABUNG PROGRESSIVE SOCIETY: TLABUNG
Post a Comment