Ole Gunnar Solskjaer chuan Manchester United Boss ni chhunzawm turin kum thum daih contract a ziak thar a, kum 2024 thleng Old Trafford-ah a cham ang.
Norwegian manager Ole Gunnar Solskjaer hian kum 2018 khan Jose Mourinho thlakin, a contract neih laiah hian kum khat a la awm a, heti chung hian United hotute chuan kum thum daih contract an sihmuh leh ta a ni.
Season liamta khan Ole Gunnar Solskjaer hian Manchester United chu Premier League-ah pahnihna nihpuiin, Champions League khel turin a hruai thleng a, Europa League-ah final a hruai thleng bawk.
Ole Gunnar Solskjaer chuan,'he club tana ka rilru put hmang chu in hria. he club ropui tak kaihruai leh thei tura inremna thar kan nei hi ka lawm hle a ni. Tunah hian player naupang, hmabak eng tak tak kan nei a, team tha zawk kan din chho mek a ni' a ti.
Ole Gunnar Solskjaer-a hnuaiah hian United hi an in dinthar chho mek a, manager a nih hnuah player hrawl tak tak, Aaron Wan Bissaka, Bruno Fernandes, Harry Maguire, Alex Telles leh Jadon Sancho te a lalut tawh a, season thar lo awm turah a sang thei ang ber thlen tumin a inpuahchah mek a ni.
Post a Comment