"Ramri avanga buainaah hian Political Party hrang hrang te lo inbeih a, lo inchirhtheh hi ṭha kan  ti lo. Kan Sipaite leh Vairengte mipuite kan chhuang tak zet che u  a ni " - MNF Dist. Hqrs., Lawngtlai



Date 26.O7.2O21 (Thawhtanni) tlai lama Mizoram chhunga Assam sipaite lo lut a, Mizo I.R duty post an rawn luh chhuah mai leh, Mizoram leh Central sawrkar zahna nei miah lova Ramri (Boundary) venghim tura CRPF duty te pawh paltlang luia Assam Sipai ten Mizoram chhunga Silai an rawn hmetpuak hmasa hi an demawm tak zet a, tun hnuah Assam sawrkar hian Mizoram chhungah chet an rawn lak tawh lohna tura chak taka hma la zel turin Chief Minister zahawm tak Pu Zoramthanga kaihhruai sorkar hi MNF District Hqrs,. Lawngtlai chuan a ring tawk a ni.


Tun huna kan ramin harsatna a tawh lai hian Mizorama Political Party ten mahni Party tana hlawkna neih tuma hma lak bakah Political Party hrang hrang te lo inbeih a, lo inchirhtheh hi tha a ti lova, kan Ram humhim tur hian Zo hnahthlak zawng zawngte kan thawhho hi a pawimawh hle a, tin, kan Ram leh Hnam tana thawkho vek turin Zoram mipuite MNF Dist. Hqrs., Lawngtlai chuan a sawm tak meuh meuh a ni.


Chutih rualin Ramri a duty kan sipai te inpekna, ralrel an thiamna leh an huaisenna atakin kan hmu a, a thlamuanthlak hle; chumai piah lamah Vairengte mipuite an inpekna leh an huaisennate hi alawmawmin an fakawm tak zeta MNF Dist. Hqrs., Lawngtlai in zahna chibai a bûk bawk a ni.


Hetianga Mizoram chhunga Assam sawrkarin buaina a rawn chawh chhuah fo avang leh Silai hmetpuak lo thei lova Mizoram sawrkar a siam avang hian mipuiten ei leh bar kan lak luhna kawngah harsatna kan lo tawk deuh a nih pawhin Mipuite tuarchhel taka awm a, inpeizawn tlang tura kan intel khawm tlat zel hi MNF Dist. Hqrs,. Lawngtlai chuan a duh a, kan ramri buaina avanga Chief Minister Pu Zoramthanga bakah sawrkar hruaitute chet chhuah dan atang leh kan tanrualna tha tak avang hian hnam dang kan unaute pawn min ṭana kan lamah an ṭang a ni tih kan hriata ṭhiana siam thiama thawhhopui dan kan thiam pawh a tha hle ang. A tul a nih  chuan kan Ram chhan a che chhuak nghal thei tur hian MNF Dist. Hqrs., Lawngtlai chu a inpeih reng a ni.


Pathian leh kan Ram Tan


Issued by: Info. & Publicity Deptt. MNF Dist. Hqrs., Lawngtlai.

Post a Comment

Powered by Blogger.