Lawngtlai, Vawkhniahzawn thla ni 30, 2021: Lawngtlai Area Ṭhalai Kristian Pawl (LAṬKP) Coordination Committee chuan ṬKP Day vawi 70-na pualin vawiin khan COVID-19 do nana a tul apianga hman turin Lawngtlai District Level Task Force (DLTF) hnenah pawisa fai Rs 5,000/- (cheng sang nga) an hlan.
Ṭanpuina hi LAṬKP Chairman Rbt. Elvis Lalthangzuala hovin LAṬKP hruaitute'n Lawngtlai DLTF Chairman, Bawrhsap Dr Andrew H. Vanlaldika kutah an hlan a. Hemi rual vek hian Siaha DLTF a Nodal Officer Pu H.Zonunmawia, Election Officer, MCS hnenah Pu Lalkhuma, President TKP Siaha West chuan ṭanpuina hi LAṬKP hmingin Rs. 5,000/- bawk an hlan a ni.
Bawrhsap Dr Andrew H. Vanlaldika chuan Lawngtlai District-ah tlawmngai pawl, kohhran leh mi thahnem ngaite'n sawrkar thawhpui a, an tha tihchak nana sum leh thilpek chi hrang hrang an pe thin chu lawmawm a tih thu a sawi a. He'ng thilpekte hian sawrkar a chhawk zangkhai thu leh ṭangkai taka hman ṭhin a nih thu sawiin, hripui dona kawnga sawrkar, tlawmngai pawl, kohhran leh mipuite tan rualna tilangtu a ni, a ti.
Post a Comment