Darkar 24 chhung khan India ramah Covid-19 avangin mi 853 an thih belh leh a. Heti hian Covid-19 avanga India rama thi zawng zawng chu 4,00,312 an tling ta a ni.

Unites State chu Covid-19 avanga thi tam ber (6.05 lakh) an ni a, Brazil (5.2 lakh) in dawtin, India chu pathumna a ni.


Darkar 24 chhung khan India ramah Covid-19 hri kai that 46,617 hmuhchhuah a ni a, positve dam 59,384 an awm thung. India rama hri kai hmuh chhuah tamna state te chu Kerala (12,868 cases), Maharashtra (9,195 cases), Tamil Nadu (4,481 cases), Andhra Pradesh (3,841 cases) leh Karnataka (3,203 cases) te an ni.


Hetih lai hian India ramah Covid-19 hri kai hmuhchhuah a tlahniam mek zel a, ni 50 chhung a zawnin hri kai hmuhchhuah aiin dama chhuah tir an tam tawh zawk a ni. Dama chhuah tir zat hi za zela chhutin 96.75% a ni.


India rama Covid-19 vei enkawl mek chu 13,620 a tlahniamin, tuna enkawl mek zat chu 5,09,637 a ni.

Post a Comment

Powered by Blogger.