Lawngtlai, July 16, 2021 : Vawiin khan Dr Andrew H. Vanlaldika, Deputy Commissioner, Lawngtlai chuan Thingkaha 3rd IR Battalion hmunpui tur sak meka building pakhat, Covid Care Centre (CCC) atana hman mek chu a hmunah tlawhin, thawktute leh damlote dinhmun a enfiah.
Deputy Commissioner, Lawngtlai hi Chief Medical Officer Dr LP Malsawma bakah, DIPRO leh CYLA hruaitute'n an tawiawm a. Medical lama thawktu, CCC-a duty mek ten lo dawngsawngin, CCC-a damlote leh thawktute dinhmun tlangpui an lo hrilhfiah a. Damlote leh thawktute'n harsatna an tawh loh nana ruahmanna siam ngaite leh changtlung zawka CCC kalpui theih dan tur te an sawi ho a ni.
Post a Comment