Kamalanagar, 02 July, 2021 : Chakma Autonomous District Council CEM Pu Dg. Durjya Dhan Chakma chuan CEM Relief Fund atangin Covid Care Centre leh Community Covid Care Centre a hman tur damdawi cheng nuai 2 leh sing 5 man hu CHC Chawngte-ah a hlan. Covid Care Centre-ah hian mahnia damdawi lei thei lo mi harsa thahnem tak an awm a, hengmite tan hian CADC damdawi pek hi a tangkai hle dawn a ni.
Hei bakah hian Covid Care Centre a hman tur Pu Robert Romawia Royte hnen atanga an dawn Oxygen Concentrator bur hnih leh Health Minister, Dr. R. Lalthangliana hnen atanga an dawn, PPE Set 100, Sanitizer bur 50, hmaituamna 200, leh kutkawr 400 te Senior Medical Officer, Dr. Walter Lalnuntluanga Sailo hnenah vawiin khan hlan a ni.
Hetih mek lai hian CHC Chawngte chuan tunkar chhungin Hmunlai leh Saizawh West ah Covid-19 Vaccine pe in, kum 18 - 44 in kar, 1st dose mi 129, kum 45-59 inkar 1st dose 10, 2nd dose mi 60, leh kum 60 chunglam 1st dose mi 1, 2nd dose mi 9 hnenah Covid-19 Vaccine pek a ni.
Post a Comment