Guwahati, July 29, 2021 : Assam-a NGO pakhat The Veer Lachit Sena (VLS) te chuan Mizoram leh Assam ramri buai avanga nun chan ta, Assam Police 6 leh civil mi 1 thihna avangin vawiin, July 29, 2021 khan Mizoram House, GS Road, Guwahati kawtah lungawilohna an lantir.
Lungawilohna lantirtute hian Mizoram chaklakna kawng pakhat chu Jorabat ah dan an tum bawk tih an sawi. Veer Lachit Sena te chuan “Mizoram panna kawng dang turin ruahmanna kan siam a, hetih chhung hian motor pakhatmah a tlan tlang lovang"an ti.Veer Lachit Sena leader Srinkhal Chaliha chuan "Mizo mipuite nen intihthiamlohna kan nei lo, mahse Mizoram politician te thuchhuah chu kan pawmzam thei lo" an ti bawk. Assam sorkar chuan Mizoram Politician te chungah hian action la ngei tur a in a ti bawk.
Srinkhal Chaliha chuan Mizoram Rajya Sabha MP Pu K. Vanlalvena chu Assam Police te vauna a chhakchhuah avangin man ngei turin sorkar an ngen tih a sawi a. Assam Police te hi Pu K. Vanlalvena thu zawt chiang turin Delhi lamah an kal bawk.
Post a Comment