VAWIIN NI 14.06.2021 HIAN MIZORAM-AH COVID-19 AVANGA NUNNA CHAN
PANGA (5) AN AWM
Tukin zing (14.06.2021) Dar 12:10 khan State Referral Hospital-ZMC-ah Pi Rochhingvungi (91) m/o Upa Lallungmuana, Electric Veng, Aizawl chu Covid-19 avangin a boral.
Pi Rochhingvungi (91) hi Covid-19 vei ani tih June Ni 11, 2021 khan hriat chhuah a ni a. Hemi ni vek hian State Referral Hospital-ZMC-ah enkawl tan a ni. Vawiin tlai dar 3:00 ah Electric Veng thlanmual ah vuailiam a ni.
Tukin zing Dar 4:10 khan Pu H.Hrangkima (84) h/o Lalrinthangi, Chhinga Veng, Aizawl chu Covid-19 avangin a boral. Vawiin khan Chhinga Veng thlamual ah vuiliam a ni.
Pu H.Hrangkima hi June ni 9 khan hri a kai tih hriatchhuah niin Home Isolation-in in lamah enkawl a ni a. Amah hi natna benvawn dang nei sa a ni.
Vanduaithlak takin Pi Elizabeth Lalrinpuii (32), Dawrpui Vengthar, Aizawl chu vawiin chawhma dar 10:45 khan Covid-19 avangin ZMC-ah a boral a. June Ni 9 khan hri a kai tih hriatchhuah a ni a. June NI 12 ah ZMC-ah admit a ni.
Vanduaithlak takin vawiin khan June ni 14 tlai dar 5:15 khan Pi H.Lalthlamuani (59), Tuithiang, Aizawl chu Covid-19 vangin ZMC-ah a boral. May Ni 17 khan hri a kai tih hriatchhuah niin May ni 20 khan ZMC-ah admit ani a. Amah hi natna benvawn dang nei sa a ni.
Tun dinhmun ah hian Mizoram-ah Covid-19 avanga nunna chan mi 70 an tling ta ni.
Post a Comment