Lawngtlai 15. June,2021 : June ni 14, 2021 khan ZMC RT-PCR laboratory-ah COVID-19 positive 89 hmuhchhuah a ni a. TrueNAT laboratory-a sample test zingah COVID-19 positive 2 an awm bawk a, Rapid Antigen Test hmanga COVID-19 positive hmuhchhuah thar 177 an awm thung a ni.
Nimin khan Sample 4248 (Mipa - 2376, Hmeichhia - 1872) chung zingah chuan positive 268 hmuhchhuah thar an ni a. Sample an test atanga Positive hmuhchhuah zat hi 6.30% a ni. Heng positive an hmuhchhuah zingah hian Symptom nei 144 awm in, Symptom nei lo mi 119 leh hriatloh 5 an awm. Tin, nimin vek khan positive enkawl lai mi 131 chu Covid-19 positive enkawlna hmun atanga chhuahtir an ni thung.
Tun dinhmun ah hian Mizoram-ah hian positive enkawl mek 3682 an awm mek a. Covid-19 avanga nunna chan mi 70 an awm thung. Hri a lo len atangin hri kai mi 15631 an awm a. Heng zinga mi 9073 hi mipa an ni a, hmeichhia 6558 an ni a. Dam taka chhuak hi 11879 an ni.
Mizoram a District 11 ah hri vei enkawl lai an awm vek a. Aizawl District ah 2829, Lunglei District 199, Siaha District 56, Champhai District 22, Kolasib District 184, Serchhip District 20, Lawngtlai District 307, Mamit District 20, Khawzawl District 3, Hnahthial District 1 leh Saitual District 41-te enkawl mek an ni.
Nimin khan ZMC RT-PCR Laborator ah sample 1508 (Mipa – 855, Hmeichhia - 653) endik atangin Covid-19 positive 89 hmuhchhuah thar an ni a. Mipa 57 leh Hmeichhia 32 an ni. Symptom nei 8 leh Symptom nei lo 81 an ni. Heng positive te hi Aizawl District vek an ni.
TrueNat Laboratory ah sample 92 (Mipa - 60, Hmeichhia - 32) endik atangin Covid-19 positive Covid-19 positive 2 hmuhchhuah thar an ni a. Mipa 1 leh Hmeichhia 1 an ni a. Symptom nei lo vek an ni. Heng District atang te hian positive an hmuchhhuak Lunglei District 1 leh Siaha District - 1 te an ni.
Rapid Antigen Test hmanga hian sample 2648 (Mipa - 1461, Hmeichhia - 1187) endik an ni a. Heng an endik atang hian Covid-19 positive 177 an awm a, mipa 85 leh hmeichhia 92 an ni. An zingah hian Symptom nei 136, symptom nei lo 36 leh hriat loh 5 an awm a ni. Heng District ah te hian positive hmuhchhuah an ni. Aizawl District - 111, Lawngtlai Distirct - 10, Siaha District -7, Saitual District - 7, Lunglei Distirct -6, Mamit District - 5, Serchhip District-3 leh Kolasib District - 28 te an ni.
Nimin khan Mizoram-ah Covid-19 avanga nunna chan mi panga an awm.Chungte chu : Pi Rochhingvungi (91), Electric Veng Aizawl, Pu H.Hrangkima (84), Chhinga Veng Aizawl, Pi Elizabeth Lalrinpuii (32), Dawrpui Vengthar, Aizawl, Pi Rohlupuii (62), Khawzawl leh Pi H.Lalthlamuani (59), Tuithiang Veng Aizawl te an ni.
Lawngtlai district (10)
*Kamalanagar-III (4) : Mipa 3 (kum 8, 33 & 36) leh Hmeichhia kum 37 mi an ni a. Inrinhlelh vanga sample test, hri kaina chhui ngaite niin, symptom nei mi 2 chhinchhiah an ni a, midang 2 hi symptom an neih leh neih loh report a ni lo.
*Kamalanagar-II (3) : Hmeichhia vek kum 53, 65 & 66 mi an ni a. Inrinhlelh vanga sample test, hri kaina chhui ngai niin, symptom an nei vek a ni.
*Bajeisora (1) : Mipa kum 43 mi, inrinhlelh vanga sample test, hri kaina chhui ngai, symptom nei a ni.
*Chawngte L (1) : Hmeichhia kum 25 mi, inrinhlelh vanga sample test, hri kaina chhui ngai, symptom nei a ni.
* Kamalanagar-I (1) : Mipa kum 18 mi, Karnataka atanga lo haw a ni (hei bak hi report a ni lo).
Note :Mihring 1000 zela positive hmuhchhuah tawh zat (based on 2011 census) = 14
Nimin lama District hrang hranga an hmuh dan
1. Aizawl District - 200 2. Lunglei District - 7
3. Siaha District - 8 4. Champhai District - 0
5. Kolasib District - 28 6. Serchhip District - 3
7. Lawngtlai District - 10 8. Mamit District - 5
9. Khawzawl District - 0 10. Saitual District - 7
11. Hnahthial District - 0
Post a Comment