Lawngtlai 15.06.2021 : Rauthla Today chhiartu zawng zawngte chibai vek ule. Vawiin hian Mizoram a Pawl lian ber YMA dincham a ni a. Covid-19 hri leng avangin YMA Branch hrang hrangte'n duhthusam in hun an hmang thei lo. He hri leng hian kan nunphung min tibuai hle a. Chumi rual erawh chuan he hri leng atang hian zirchhuah neih i tum theuh ang u.
1, Vawiin khan Mizoram District hrang hranga Covid-19 vei enkawlna atangin mi 312 an chhuak. Aizawl- 229, Kolasib-31, Lunglei-26, Lawngtlai-19, Mamit-3, Serchhip-3 leh Champhai-1 te an ni.
2. Vawiin Ni 15.June,2021 tlai dar 6:30 khan Pi Thanmawii (92), Sairang Dinthar chu COVID-19 avangin a boral.
3. Central YLA te chuan MZP te'n raltlante puala Central YLA-a sum Rs 1,12,000/- an lo hlan chu Central YLA hruaitute'n bungrua leiin a thawh hnihna atan heng khaw hrang hrang Kawlchaw W, Sihtlangpui, Chawntlangpui leh Saikah U ah te tanpuina an hlan.
4. Vawiin khan YMA Day pualin Mizoram a Covid hrivei tamna Saron Veng Containment-Area-a chengte random test neih a ni a, mi 44 positive hmuh chhuah an ni.
5. Kum tina Mizoram Journalists' Association (MJA), Lawngtlai District te'n an lo hman thin, Green MJA Day chu vawiin khan hman niin, Chawnhua Lawngtlai Bawrhsap chenna (bungalow) chhehvelah DC leh DIPRO hovin District MJA member-te'n thing tiak an phun.
6. Higher & Technical Education (Technical Wing) chuan SMATEE 2021 chungchangah a hnuaia mi ang hian hriattirna a chhuah :
Covid-19 a ziaawm theih loh avangin, SMATEE 2021 application offline-a submit tura tih chu cancelled leh a ni a, online-a submit zawk tur a ni e. Heng emails : Smatee2021@gmail.com leh smateeapplication2021@gmail.com ah te hian application leh documents (pdf format-in) submit theih a ni e. Fee Rs.900 pawh account holder : Joint Director, Technical Wing, Account No. 33016746139, Branch Code - 4809, IFC Code - SBIN 0004809, MIRC Code - 796002003 ah e-payment a transfer tur a ni. Fee pekna receipt chu Mobile No. 8974211226 ah thawn tur a ni a, kawl that bawk tur a ni e. Last date chu 13th July, 2021 a ni ang.
7. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 4 manin, he'ng an mi mante hi pawisa Rs 1,300/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 1,187 man tawh niin, pawisa chawitir zat hi Rs 1,38,750/- a tling tawh a ni.
8. Vawiin khan Lawngtlai District Covid-19 Positive paruk hmuhchhuah thar an awm. Lawngtlai Bazar-ah Home Quarantine lai leh Chawngte-ah pali te an ni.
9. Vawiin YMA Day pualin Mizoram hmun hrang hrangah Thisen Unit 157 pek a ni.
10. Ramchhung hmundang ang bawkin Chawngte Area a, YMA Branch hrang hrang te chuan midangte tanpui nan leh khawtlang tan thiltha tiin YMA Day hi an hmang a, Chawngte a Zonet palai in a zawhkual naah, Chawngte 'P', Chawngte 'L', Chawngte 'C', Saizawh West, Mualbu 'L', Rualalung branch te chuan hrileng laka inveng fimkhur tak chungin, Thingphun hnatlang te, veng chhung tihfai leh an branch chung tanpui ngaite tanpuina an pe a, zirlai tithate chawimawiin, pianphunga rualbanlo te tanpuiin, Covid-19 dona kawng VLTF tha tih chakna turin tanpuina an pe a, Chawngte Covid Care Centre ah te tanpuina an hlan bawk.
Post a Comment