Lawngtlai 07.06.2021 : Vawiin a Lawngtlai District leh hmun danga thil thleng thenkhat te lo tarlang leh ila. Hri laka I him theihna turin nangmah I pawimawh ber a, polite lutuk pawh a fuh ber em, tih hi ngun takin lo ngaihtuah phawt teh.
1. Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 49 manin, he'ng an mi mante hi pawisa ₹ 4,850/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 1,019 man tawh niin, pawisa chawitir zat hi ₹ 1,20,950/- a tling tawh a ni
2.Vawiin khan Chawngte Area ah Covid-19 sample 97 test niin Covid-19 positive 15 hmuhchhuah thar an awm. Lawngtlai khawpui chhungah chuan hri kai thar an awm lo.
3.Vawiin khan Mizoram hmun hrang hrang a Covid-19 enkawlna atangin Covid-19 positive enkawl lai mi 208 an chhuak a. Lawngtlai District ah pawh mi 36 te an chhuak bawk ani
4. Vawiin khan District Level Task Force, Lawngtlai chu an Chairman Dr.Andrew H.Vanlaldika, Deputy Commissioner ho in meeting an nei a. Sorkar in Covid-19 avanga inkhuahkhrihna a siam chu hman chhunzawm leh nise, Thawhtan, thawhlehni, Ningai leh Zirtawpni ah te dawr Hawn, thlai hnah, sa etc zawrh phal nise an ti a. Zing dar 5:00-10:00 Am thleng Hawn phalsak an ni ang a. Taxi leh Auto Rickshaw erawh service phalsak an ni lo thung
5. Tun hnaiah Tlabung khawchhung veng hrang hrangah Covid-19 positive case a tlakhniam avangin Tlabung Village Council huamchhunga Veng thenkhat Containment Area a puan chu hlih a ni.Hemi chungchangah hian Lunglei DC Pu Kulothungan A chuan vawiin June ni 7, 2021 ah Order a ti chhuak a ni
6. COVID-19 hrileng mek laka mipui an him theih nan leh a tul apianga hman turin mimal, pawl leh kohhran atanga tanpuina Chief Minister's Relief Fund for COVID-19 ah dawn thin a ni a. Vawiin khan heng a hnuai a mi te hian tanpuina an thawh leh a ni:
1) Tlangnuam MNF Unit-1: Rs. 10,000/-
2) MNF Gen. Hqrs. General Secretary te: Rs. 54,021/-
7. COVID-19 dona kawnga thawktute hmanraw pawimawh PPE indaihlohna phuhruksak tura Health Minister Dr.R. Lalthanglianan Union Health Minister Dr. Harsh Varshan hnena ngenna a lo thehluh tawh chuan rah tha chhuahin he ngenna ang hian vawiin June ni 7, 2021 khan Mizorama hnathawktute hman turin PPE 7500 leh hmanraw pawimawh N95 Mask 20,000; Gloves 20,000; Goggles 20,000 a lo thleng
8. Lawngtlai to Siaha panna Tuipui ferry lei dawh chu thiah fel ani tawh a. Vawiin atangin lirthei eng chi mah a tlang thei dawn tawh lo ani.
9. Vawiin khan Bualpui Ng-II Branch YLA te chuan thingphun hnatlang an nei
Post a Comment