Lawngtlai 08.06.2021 : Rauthla Today chhiartute chibai vek ule. Hri laka kan him theihna turin sorkar thupek hi zawm phawt ila. Mask vuah that loh avanga hri kai an tam thu kan hre leh ta. In len pawh Hnam kan ni, tih hi kan la chhunzawm zel dawn em. Kan Inlen pawh nasat avangin hri kai kan pung zel bawk si. Eng nge kan tan tha ber ang le. Vawiin lama thil thleng thenkhat te lo tarlang leh dawn ila.
1..Mizoram puma ni 20.04.2021 atanga COVID-19 laka inven nana inkhuahkhirhna khauh zawka kalpui chu Lawngtlai khawpui chhungah pawh khauh taka kal chhohpui zel a ni a. Lawngtlai khawpui chhung veng 12-a COVID-19 Executive Duty-te chuan vawiin khan dan bawhchhia mi 39 manin, he'ng an mi mante hi pawisa ₹ 3,900/- chawitir an ni a. COVID-19 vanga inkhuahkhirhna kalpui chhung hian dan bawhchhia mi 1,058 man tawh niin, pawisa chawitir zat hi ₹ 1,24,850/- a tling tawh a ni.
2. Karlui-I khua huam chhungah mipui zinga Covid-19 kai hmuh belh zel a ni a. Medical team te'n Active Case Search (ACS) neih an duh avang leh Medical Officer, Bungtlang 'S' rawtna angin Test mumal taka kalpui anih theih nan leh vantlang zinga hri inkai darh zel tur ven nan Containment area ah puan a ni
3. Vawiin Ni 08.06.2021 hian Mizoram District hrang hranga Covid-19 enkawlna hmun atangin Covid-19 enkawl dam 216 te chhuahtir an ni.
4. Vawiin khan Covid-19 avanga nunna chan pahnih an awm belh leh a.Pi Renghnuni (54), ITI Veng, Aizawl leh Pi Chuangsangluri (71), Bungkawn, Aizawl te chu ZMC-ah an boral.
5. MOT zirchiannaah Mask fimkhur taka vuah zingah hri kai an awm lo tih an hmuchhuak a, SOP tha taka zawmna vengah hri an inkaidarh nasa lo. Hri kai zawng zawng 85% hi chhungkua, thian leh thenawmte nena intlawhpawh nasa an ni
6. Vawiin khan Lai Autonomous District Council a Executive Member I/c LAD etc Pu T.Lalengmuana, Lawngtlai -III Bialtu MDC nibawk chuan a bial chhunga vawk vulhtu chhungkaw 18 hnenah tanpuina a sem.
7. Vawiin khan Lawngtlai District ah Covid-19 positive pasarih (7) hmuhchhuah thar an ni a. Mipa 5 leh hmeichhia 2 an ni a. Lawngtlai Vengpui, Karlui-I, Chawngte 'P', Kamalanagar-II leh Kamalanagar-III ah te positive hi hmuhchhuah an ni.
8. Sawrkar hian Lockdown avanga mi harsa leh tlachhe mekte chhanchhuahna scheme a kalpui vat loh chuan Aizawl khawpui lailia Kuthnathawktu pawl beidawngin chemtum nena kawng an zawh ang kha a thleng leh mai ang tih sawrkar kan hlauhpui a ni. - MPYCC
Post a Comment