PU T. LALENGMUANA, LAWNGTLAI-III BIALTU MDC-IN A BIAL CHHUNGAH VAWK VULH TANPUINA SUM FAI A SEMCHHUAK
Vawiin khan Pu T. Lalengmuana, Lawngtlai-III Bialtu MDC chuan a bial chhung, Lawngtlai-III leh Electric Veng ah Vawk vulhtu chhungkaw 18 te hnenah Vawk vulh tanpuina sum faiin a sem chhuak a, Unit hruaitu te'n a sum faiin Vawlh vulhtu chhungkaw hnenah an hlan.
Pu Maenga chuan, LADC Sawrkar atanga Vawk vulhtu ten tanpuina an dawng chu a lawmpui thu sawi in, LADC Sawrkar-a la thleng zen zenlo a ni a ti a. Tanpuina dawngtu ten an tanpuina sum dawn chu tlem hle mahse, awmze nei taka a hmanna turah tak hmang tura a beisei thu sawiin, Sawrkar atanga Tanpuina lo kalte hi a hmanna tur dik taka hman anih loh thin avangin Sawrkar in scheme hrang hrang hmanga Mipuite hnena tanpuina a pek thin te chuan awmzia a neilo fo thin a ni a ti bawk'. Pu Maenga chuan Vawk vulh tanpuina hi a thawh hnihna sem leh tur a nih thu sawi bawkin, ruahmanna awmsa a nih thu leh sum an dawn ruala semchhuah leh nghal anih tur thu a sawi bawk.
Pu Maenga hian Covid-19 hrilen chhung hian a bial chhungah tanpuina a lo semchhuak tawh bawk a, Thlai chawhmeh leh chhungkaw harsa zual leh damlo enkawl ngaite hnenah sum fai in tanpuina a lo hlan tawh bawk a, tin, a bial chhunga VLTF, Lawngtlai-III leh Electric Veng te hnenah tanpuina sum leh hmanruate a lo hlan tawh bawk a ni. Tin, Pu Maenga hian, Covid Care Center-a awmte ei leh in tur a lo hlan tawh bawk.
Pu Maenga hi Opposition MDC a nihlai pawh a MDC Fund hmang tha leh Bial tana hnathawk tha tia sawi a lo ni tawh a, LADC Sawrkar hnuaia Department thenkhatte pawhin a bial chhunga a hnathawhte tha an tih thu leh an fak thu an sawi tawh bawk a ni.
Tanpuina dawngtu te hian LADC Sawrkar leh Bialtu MDC chungah lawmthu an sawi a ni.
Post a Comment