Lawngtlai June 16 : Vawiin June 16 khan Pu L. Lalhmachhuana, Chairman, Town Committee, LADC hoin a Pisa-ah Town Committee meeting neih a ni a, Lawngtlai khawpui hmasawnna tur hrang hrang leh thil tul chi hrang hrangte sawiho a ni.
Pu L. Lalhmachhuana, Chairman Town Committee, LADC chuan Lawngtlai khawpui chhungah hian thil danglam thlen tir ngei an tum tih an sawi a, an hmalakna hian Lawngtlai khawpui a tha zawngin a ti danglam ngei dawn a ni a ti bawk.
He meeting-ah hian Lawngtlai khawpuiin a mamawh chi hrang hrang sawiho niin, project chi hrang hrang te, Town planning siam theih dan turte leh thil chi hrang hrang ngaihtuah a ni a. Thalaite hmasawnna tur ngaihtuah a pawimawh hle tih an sawi a. Khawpui hmasawn ni tur chuan a chhunga chengte tih hmasawn a ngai tih hriaiin hmalakna tur thenkhat duan a ni a. Sport & Youth Dept Committee, Music & Leterature Committee, Town Planning Committee din tha tih a ni a. Khawpui chhung Side drain leh Wire inzam dante enfelin hmalak hmasak nise an ti bawk.
Town Committee hian June 21, 2021 (Thawhtanni) hian Lawngtlai khawpui chhung hmun hrang hrang an fangkual dawn a. Remchang awm leh hunah meeting nei lehin, an hmalakna leh hmachhawpte an thlirho leh dawn a ni.
Post a Comment