OFFICE OF THE LAI DISTRICT CONGRESS COMMITTEE. HQRS: LAWNGTLAI
CONGRESS BHAWAN, BAZAR VENG
PR No. 5/21
MIZORAM SORKAR HIAN TUIALHTHEI MAN TI HNIAMIN, ELECTRIC BILL LEH TUI BILL TAL HI MIPUITE AWL TIR VE RAWH SE
Dated Lawngtlai, 24th June 2021: Democracy ramah chuan mipui ten kan aiawha roreltu tur kan thlang ?hin a. Kum 2018 ah pawh hneh takin MNF Party te hnenah sorkarna mipuiin kan pe a nih kha. An sorkar tuk a?angin Tuialhthei man, eng chhit man leh Tui hman man a sang chho deuh zel a. Chutiang a nih mek lai chuan Covid 19 hri avangin Mizoram mipui pawh kan buai hle a ni. Hetiang a nih avang hian sorkar pawhin vawi engemawzat Lockdown a lo puang tawh a, tunah pawh kan la hmang mek zela, a rei pawh a rei ta hle a ni. Hetianga sorkar berin lockdown puan tih loh hrileng khuahkhirh dan dang a hriat tak si loah chuan nitina inhlawhfa, lirtheia eizawng, mi In luaha dawrkai leh chenna a tana mi In luahtute tan sum zawnna a awm ta lo a. Chief Minister Relief Fund te lah chu mipuite aiin Health Department Relief nan hman a lo ngai bawk si, chumi karah chuan Rawmi tiak leina tur erawh a nei tinten lawi bawk a.
Mipuiin engtikah nge sorkar hian hetianga rei hna leh eizawnna lam pawh kan kalpui mumal theih tawh loh lai hian kan oil mam an tih hniam ang a, kan eng chhit man leh tui bill te min awl ang tia beiseina nena kan lo thlir laiin, kan sorkar ber chuan a mipuite hnena chhiah a tukte tih hniam sak leh awl awm chuang si lo a, In neitute hnena an In luahman ti hniam tura a ngen ta mai hi Lai DCC chuan mak a tiin, sorkar zahpuiawm tak a niin a hria a. He kan sorkar hrawn mek hian, hripui do dan pawh a thiam loin, sum leh pai enkawl pawh a thiam loh zia a ti lang niin a ngai a ni. Vawiin thlenga a mipuite dinhmun ngaihtuaha, oil man ti hniam a, Tui bill leh electric bill tal hi chu Covid 19 leng avanga kan inkharkhip chhung, hna kan thawh theih loh chhung hi chu, a mipuite hnenah pawh In luah man ti hniam tura a ngen ngam tho a nih chuan, Tuialhthei man ti hniam a, electric leh tui bill ah te hian mipuite awl ve turin kan ngen let ve zawk a ni. Kan Chief Minister leh a sorkar hian '...miin in chunga an tiha in duh tur ang zelin mi chungah pawh ti ve rawh u..' tih kha hrenawn fo turin kan chah a nghal a, SEDP cheng nuaithum sem a intiam pawh tun hi sem hun lai tak a nih avangin mi harsa zawkte tan sem turin kan ngen nghal bawk a ni.
Issued by : Lai District Congress Committee, Hqrs : Lawngtlai
Post a Comment