Lawngtlai June 11 : Lawngtlai Health Department Medical Team te chuan Lawngtlai District-a Karlui-I khuaah nimin leh vawiin khan Covid-19 Active search case an nei.

    Medical Team te hian nimin leh vawiin khan hri kai thar 146 an hmu chhuak a. Nimin khan sample 306 test niin, hri kai 65 hmuh chhuah a ni a. Vawiinah sample 372 test niin, hri kai 81 hmuh chhuah leh a ni.

    Heng hri kai hmuh chhuah tharte dahna atan hian 4C siam a ni a, sikul building pahnihah mipa leh hmeichhia dah hran a ni a, chhungkuaa hri kai chu Medical Team ten an enfiah hnuah an inah inkhunghran tir an ni.

    Karlui-I a Covid-19 hri kai hmuh chhuah tam chhan hi Medical team-te sawi danin, mipui ten hri hlauhna an nei lova, hri kai contact in report duh an awm loh bakah quarantine awmzia an hre lova, an inthlawhpawh nasa hle bawk a ni.

    Karlui-I a Active search case hi tihtawp a ni a, zanin hian Medical Team te hian Lawngtlai an rawn pan ang.

Post a Comment

Powered by Blogger.