Lawngtlai June 5 : Nimin khan MZP Gen. Hqrs. chuan Myanmar raltlante chhawmdawl nan CYLA hnenah pawisa fai 112,000 an hlan. Heng tanpuina sum te hi CYLA chuan a tul angin a sem chhuak veleh dawn a ni.
Myanmar raltlante chhawmdawlna tur sum hi Central YLA Office ah, Central YLA President Pu HC Vanlalruatpuia kutah an hlan.
Nimina thilpek hlan hi Pu Vanlaltana, MZP President-in a hova, MZP chuan Lawngtlai District tan tanpuina dang an rawn pe leh dawn niin an sawi.
Central YLA Gen Secretary Pu JH. Lalrindika chuan MZP Gen. Hqrs. in raltlante chhawmdawlna tur pawisa, Central YLA kaltlanga hlan tur an ruahman chu Central YLA chuan lawmawm an tih thu a sawi a, tanpuina hi semchhuah nghal turin Central YLA chuan ruahmanna a siam a ni a ti.
Niminpiah khan MZP te hian Siaha District-a raltlante kalchilhin khaw pangngaah Buhfai 60, Dal bag 20 leh Alu 10 an hlan bawk..
Post a Comment