Vawiin 30.06.2021 hian Zyhno, Àmòtlàh, Noahtlah leh Khòpai khuaten, Mara fate tana Jerusalem khawpui Saikao khaw tan an luangchhuak leh ta.


Saikao khua hi Siaha District a awm a ni a. Mara rama Missionary te thuthmun leh lunghahna a ni a. Vawiin thlenga an thlah te zinga la dam awm chhun, Pi Violet Louise Annie Mark-in min la dampui a ni. Hei vang hian, Mara fate tan chuan, Saikao khua hi tisa leh thlarau lama kan Jerusalem khawpui a ni tak meuh a ni


Heti taka Mara fate tana tisa leh thlarauva hmun pawimawh leh khaw thianghlim Jerusalem hiala kan lo ngaih thin a nih avang hian, hetia khawtlangin vanduaina an tawk hi pawi kan tiin kan tuarpui tak zet a. Chuvangin, mimal, chhungkua, Pawl leh Kohhran zawng pawhin an ngai pawimawhin anmahni chhawmdawl nan hian sum leh pai, ei leh in tur lam pawhin an tanpui nasa em em a ni. Khaw hrang hrang atangin anmahni tanpui nan nitin deuh thawin an luangchhuak reng hlawm a, a ròpuiin a lawmawm tak zet a ni.


He khua hi Covid-19 hrilengin a rùn avangin Siaha DC Pu Kesavan R.IAS chuan 12.06.2021 atang khan Containment zone-ah a puang a. Chuvangin chhungkaw tin mahni compound pawh chhuahsan thei lovin an awm a. Positive contact avanga Home Quatantine leh Quarantine lo pawh angkhat vek dinhmunah an ding a. Chuvangin a chhunga cheng, chhungtin ten harsatna tam tak an tawk mek a ni


Hemi avàng hian Sawrkar pawhin a ngai pawimawh em em a. An khuaah  C-3 (Covid Care Centre) dinsak nghal an ni a. Tunah hian Doctor-1, Staff Nurse-1 leh Lab Technician-1 in an vil mek a ni


Saikao khuaah hian In 210 awmin mihring 1232 an cheng mek a. Tunah hian Positive cases=119, mipa 55 leh hmeichhia 64 hmu tawh an ni a. An zinga 39 ten damna tha tak changin enkawlna hmun atangin an chhuahsan tawh a, enkawl lai=80 an awm mek a ni. (An zinga-1 te erawh chu ZMC Aizawla enkawl mek a ni).


Hriat theih chinah vawiin 30.06.2021ah pawh hian Zyhno, Àmòtlah, Noaotlah leh Khòpai khuaten anmahni tanpui nan an luangchhuak leh a. Chuta an thilhlante chu:-

1.ZYHNO KHUA ATANGIN:-

(1) Sum lamin  Rs 1,21,900/-

(2) Thlai hnah leh chawhmeh chi hrang hrang Pick-up 1 trip

(3) Buhfai (Rice) 5 bags

(4) Tuah thing 909 1 trip

Heng tanpuina te hi an khuaah kalin an hlan a ni


2.AMÒTLAH KHUA ATANGIN:-

(1) ECM Local Church   Rs 10,000

(2) VC Amotlah.              Rs.  5,000

(3) VLTF Amotlah.          Rs   5,000

(4) MTP Branch.             Rs   4,000

(5) MTP Sub Hqrs.         Rs.  3,000

(6) KNP Branch.             Rs.  3,000

(7) MCHP Branch.         Rs.  2,000

(8) MSO Branch.            Rs.     500

(9)Mimal thawhkhawm Rs 10,700

TOTAL.                             RS 43,200

(He tanpuina hi Amòtlah khua aiawhin Pu K.Zawrama VCP & Chairman VLTF leh Pu T.Nyhnadaolai VC Secretary-ten, Tlòsai Saikao Welfare Committee Siaha (TSWCS) Adviser Rev B.Beilua, Moderator ECM Assembly Siaha hnenah an hlan a ni)


3.NOAOTLAH:- MTP & MCHP Noaotlah atangin a hnuaia hruaitu kalte hi kalin an hlan.MTP atangin Pu N.Tinsanga President leh Pu C.Lalzarliana Secretary te an ni a.MCHP atangin Pi Zohmingi Secretery leh Pi Parchiai Fin Secretary te an ni*.

(1) Maian    10 bags

(2) An tam    5 bags

(3) Mautuai  4 bags

(4) Anthùr.    1 bag


4.KHÒPAI:- Khòpai khua atang Saikao chhawmdawl nan a hnuaia mite VLTF hrusitute kalin an hlan.

(1) Sum lamin Rs 63,000

(2) Buhfai 12 bags

(3) Thlaihnah tam tak.


Thilpek petute Lalpan a let tam takin malsawm rawh se!

Post a Comment

Powered by Blogger.