Lawngtlai June 5 : Mizoram Baptist Kohhran, Lawngtlai Area chuan June 4-6, 2021 chhung hian TV leh Youtube kal tlang-in Lawngtlaiah Live Crusade an buatsaih mek a.  Thupui-ah “Ngawi u la, Pathian ka ni tih hi hre rawh u” Sam 46:10 tih thu hman a ni.

    He Programme hi  Lawngtlai-a Cable TV pahnih, KT Vision (Sensiar) leh SkyNet (Devotional) bakah BCM Youtube Channel ‘Baptist Church of Mizoram”-ah Zirtawpni zan dar 8:00, Inrinni zan dar 8:30, Pathianni zing dar 11:00 leh Pathianni zan dar 8:00-ah Live-a pek chhuah mek a ni. 

    He Live Crusade-ah hian Speaker pali an awm a.  Rev. R. Lalnunzira, Executive Secretary Lawngtlai Area-chuan nizan khan thuchah a sawi a, zaninah Ram pum huap Covid puala tawngtaina neih zawh hnu, dar 8:30-ah Live Programme hman chhunzawmin, Rev. H. Lalremtluanga, Lawngtlai North Bialtu Pastor-in thuchah a sawi ang a, Pathianni zing dar 11:00-ah Rev. K. Laldosanga, Lawngtlai South Bialtu-in hun hmangin, Rev. Lalzarliana Khiangte, Lawngtlai East Bialtu Pastor-in Pathianni zan-ah thuchah a sawi thung ang.

Post a Comment

Powered by Blogger.