Lawngtlai 23rd June 2021: Pi Lalbiaksangi Member Secretary, State Executive Committee chuan a hnuaia mi ang hian in leh dawr neitute hnenah ngenna a siam.

COVID-19 hri in khawvel pumpui a tibuai a, Mizoram-ah pawh he hri hian harsatna nasa tak min thlen mek a ni. Nikum atang tawhin hun rei tak chhung Lockdown kalpui te a ngaih thin avangin ei leh bar zawn kawngah pawh mi tam takin harsatna kan tawk tawh a. Tunah pawh COVID-19 thawhhnihna-in min nuai leh mek avangin ni 100 dawn kan lo inkharkhip leh ta a.

He hri avang hian CCC lama inenkawl tam tak awmin, nunna chan pawh engemaw zat kan awm tawh a ni. Sumdawng leh nitina inhlawhfa, thlatina dawr luahman leh In luahman pek ngai; mahse, Lockdown avanga sumdawnna leh nitin inhlawhfakna kalpui remchang si lo mi tam kan awm mek  bawk a ni. 

Hetiang hun harsa kan tawn mek avangin In leh Dawr neitu ten Lockdown kalpui chung atan an In leh dawr luahtute hrethiam  chunga dawr leh  In luahman te inawl emaw, ti hniam turin kan inngen a ni.

Post a Comment

Powered by Blogger.