Hollywood chu kan hria a, Hollywood industry ah chuan Ringtu tha tak tan dinchhuah a har viau niin mi tamtakin an sawi thin. Film Star leh Producer te hi a tlangpuiin Liberal(Left wing) em em anni tlangpui zel bawk nen an zingah hian Christian tha an awm ve a nih pawhin a rukin inzep chungin an awm tlangpui thin a ni. Mahse an zavai chuan hetiang hi an ni vek biklo a, Hollywood star zingah pawh hian Pathian an rinna zahpui emaw zep tum lo, Ringtu tha em em sawitur hi an awm veleh zeuh thin a, chutiang zinga Pakhat chu MARK WAHLBERG a hi a ni.
Mark Wahlberg a chu Hollywood Movies ngaina tan chuan tunge a nih hrelo kan awm kher lovang. The Transformer ah te, Planet Of the Apes te, Lone Survivor, Shooter leh Movie lar ber ber ah a changtupa a ni a, Tun hma chuan Khawvel a Boyband hmasa ber ni a an chhal, Lar ber ni thin ‘NEW KIDS ON THE BLOCK” ah khan member a ni thin nghe nghe a, chumi hnu ah Rap/pop band Marky Mark and the Funky Bunch ah Front man a ni leh a ni. Tunah hian Hollywood Actor/producer hlawhtling ber te zing a mi a ni mek. Mark Walhberg a chuan Square Mile Magazine in an kawmna ah Pathian a rinna a nghah nasat dan leh a Tan Lal Isua pawimawh zia a puang chhuak a, Pathian nen an inkar chu a nun a thil pawimawh ber a nih thu a sawi.
Mark a chuan “Nitin hian ka tawngtai thin a, Nitin hian Pathian Biakin hi tlawh ka duh a, Pathian a rinna ka nghah tlat na hian mi tha zawk ah min siam a ni” a ti Pathian chu “Ka nun a thil pawimawh ber te zing a mi a ni a, ka tum anga Pasal tha leh Fate tan a Pa tha ber nih hi ka chak ber a ni a ti. Mark Wahlberg a hi a kalna lamah chuan mi talented tak a ni ve hrim hrim zel a, 1980’s chho khan Boyband hmasa ber ni a an sawi fo, New Kids on the Block ah khan rei vaklo a tel ve hman a, chumi hnu ah Rap/pop Game a luh chilh leh a, Mark a chuan ka nun thlak danglam a, hlawhtlinna nei tur hian Ka Rinna(Faith) tello chuan thil theih loh tawp a ni a ti a, Mark a hi Boston ah a seilian a, Teenage a nih laiin Cocaine addict a ni a, vawi tamtak Man a tawk a, Kum 16 lek a nih laiin Tualthah tum a puh a ni bawk a, “Thil atthlak tamtak ka lo ti tawh thin a,mahse ka inchhir a, chung ka at man techu ka tel chho vek a ni” a ti, amah hi Catholic chhungkua a seilian a ni a, atan beidawng duh ngailo,Father James Flavin a chuan Pathian lamah a nun a hawi tir ta a, ‘ ka sual lai ber te, ka hun harsa lai ber pawhin Father Flavin a hi ka tan a awm tlat thin a, kanun ka inthlak danglam theih hi a ring tlat a, keimah ah Lemchan thiamna (Actor) a awm tha tih pawh hi amah hian a hmu hmasa ber a ni” a ti.
Mark Wahlberg a hi Model Rhea Durham nen inneiin Fa pali an nei a ni.
Ziaktu : Ricky L. Colney
Post a Comment