North East June 18 : Hmarchhak state thenkhatah COVID-19 hri leng a ziaawm hret hret a. Manipurah chuan nimin khan hri kai 495 hmuhchhuah a ni a. Sample endik zat atangin hri kai zaa 8.41 an awm a. Nimin vek khan hri avangin mi 13 an thi leh a. Ti hian COVID-19 thihpui hi 1021 an awm tawh a ni. Hetihali hian nimin khan hri vei enkawl dam 458 an awm a. COVID-19 hri kai enkawl dam tawh hi 52220 an awm tawh a. Hei hi hri kai hmuhchhuah tawh 62,343 atangin zaa 83.76 a ni a. Tun dinhmunah hri vei enkawl mek 9102 an awm a ni.
Meghalaya-ah chuan hri kai hmuhchhuah thar 478 an awm a. Ti hian COVID-19 hri vei enkawl mek hi 4609 an awm a. Nimin khan damlol 329 enkawl dam awm lehin avaiin hri vei enkawl dam hi 38,361 an awm tawh a. Hri avangin nimin vek khan mi pali an thi leh a, tihian mi 762 an thihpui tawh a. Tun dinhmunah hrikai hmuhchhuah tawh hi 43,732 an awm tawh a. Heng zingah 4609 hi enkawl mek an ni a. 38361 enkawl dam an awm tawh a ni.
Nagaland-ah chuan hri kai hmuhchhuah thar zat a tlahniam tawh hle a. Nimin khan mi 76 hri kai hmuhchhuah an awm a. Ti hian hri kai tawh zawng zawng hi 24,041 an tling tawh a. Hetihlai hian hri vei 398 enkawl dam leh niin avaiin hri vei 20,525 enkawl dam an awm tawh a. Hei za zela chhutin 85.37 a ni a. Damlo mi pangain an thihpui leh avangin hri avanga thi hi 452 ah a kai chho a. Tun dinhmunah hri vei enkawl mek 2368 an awm a ni.
Post a Comment