Lawngtlai June 20 : Nimin June 19 (Inrinni) khan Pu Hc. Lalthawmliana, Diltlang South bialtu MDC bul tumin Diltlang South Branch YLA chuan Diltlang South khuaa Class 10 passed-te lawmpuina hun an buatsaih a, he hun hi bialtu MDC hian khuallian niin a hmanpui.
Pu Hc. Lalthawmliana bialtu MDC chuan, "Hripui leng mek kara hun chep takah Mizoram Sorkar-in HSLC leh HSSLC Examination a buatsaih thei chu lawmawm a tiin, Diltlang Govt' High School in Class 10 result tha tak nei a, Class 10 exam zawng zawng ten tha taka an passed thei chu lawmawm a tihthu a sawi a, zirtirtute thawhrimna leh inpekna fakawm a ti tak zet a ni" a ti a. Zirlaite chu tumruhna leh taimakna nen an zirlai chhunzawm zel turin duhsakna a hlanin, Pu Hc. Lalthawmliana chuan Zirlai passed zawng zawngte hnenah passed lawmpui nan JF Dictionary a hlan vek bawk.
HSLC (Class-X) passed te puala Felicitation Prog. buatsaih hi Pu T. Thangliankhuma Branch YLA President in a kaihruai a, hetah hian chairman chuan, "Tun hmaa la tih ngailoh, Bialtu MDC in Class 10 passed te puala hun a rawn hmang thei chu lawmawm a tiin, Zirna ngaipawimawhtu MDC kan neih avanga lawm thu sawiin, a bial chhung, Diltlang a Police Beat Post hawn a nih atanga vawiin ni thlenga Staff Quarters luah man MDC in a la tum chu lawmawm a tih thu a sawi, Bialtu MDC hmalaknaa Govt' Primary School 1 & 2 leh Middle School repair ngaite repair a nih avangin lawmthu a sawi" a ni.
He hunah hian Pu Hc. Lallawma, Headmaster Gov't High School Diltlang South pawhin thu sawiin, "Gov't High School Diltlang South atanga exam beitu Zirlai 30 zinga 25 te chu First Division ah an passed a, Zirlai 4 te chu 2nd Division, Zirlai 1 chu 3rd Division ah passedin, Lawngtlai District a Government High School awm zawng zawng zinga Passed % sangber dinhmun an hauh thei chu lawmawm a ti a. Bialtu MDC Pu Hc. Lalthawmliana Bial a fan hmasak bera an ngenna, Class 10 Board Exam an hmachhawn turah Mathematics Teacher an neih loh avanga a manganna thu a thlen ngaipawimawh a, Bialtu MDC in a ma sum senga Thlahnih chhung Mathematics Teacher a rawihsak a vanga result tha tak nei thei an nih thu a sawi, Zirna ngaipawimawha ngaihven rengtu MDC chungah lawmthu a sawi bawk" a ni.
Pu Hc. Lalthawmliana MDC chuan, a tul hun apianga hman turin Branch YLA hnenah Silpaulin leh facemask a hlan nghal a ni. Bialtu MDC Pu HC Lalthawmliana hi MNF Western Block-1 hruaitute leh Diltlang (S) MNF Unit hruaituten an tawiawm a ni.
Post a Comment